Türkiyə vətəndaşı olan hansısa azərbaycanlı “sxodka” keçirmək istədi və…
Ukraynanın hüquq-mühafizə orqanları Donetsk və Luqansk vilayətlərindən olan kriminal avtoritetlərinin yığıncağının-“sxodkasının” qarşısını alıblar.
Virtualaz.org Ukrayna KİV-lərinə istinadən xəbər verir ki, Donetsk vilayətinin Ukraynanın nəzarəti altındakı Bahmut şəhərindəki kafelərdən birində təşkil edilmiş yığıncağa xüsusi təyinatlılar basqın edib, iştirakçılar nəzarət altına alınıb.
“Sxodka”nı Türkiyə vətəndaşı olan “hansısa azərbaycanlı” təşkil edibmiş. Məqsəd nüfuz bölgüsü və Starobelsk istintaq təcridxanasına “baxıcı” təyin edilməsi məsələlərini müzakirə etmək olub.
Donetsk vilayətinin kriminal polisinin rəisi Artyom Kisko bildirib ki, saxlanılan emissarın-Türkiyə vətəndaşlığı daşıyan azərbaycanlının sonrakı taleyi miqrasiya xidməti ilə birlikdə aydınlaşdırılacaq. Onun Ukraynadan deportasiyası gözlənilir.
Short URL: http://www.cumhuriyyet.net/?p=131377
