Hindistanda avtobusla yük maşınının toqquşması nəticəsində 13 nəfər ölüb
19.08.2019 - 13:49
Hindistanın Maharaştra ştatında avtobusla yük maşınının toqquşması nəticəsində 13 nəfər ölüb, azı 20 nəfər yaralanıb.
Bu barədə “Report” “İnterfaks”a istinadən xəbər verir.
Auranqabad şəhərindən Şahada yaşayış məntəqəsinə gedən avtobusda 45 sərnişin olub. Yaralılardan 8-nin vəziyyəti ağırdır.
Sərnişinlərin bəziləri yaralıları nəqliyyat vasitəsindən çıxaran yerli sakinlərin operativ addımları nəticəsində xilas edilib.
Short URL: http://www.cumhuriyyet.net/?p=132068
