Dünya Bankı koronavirusla mübarizəyə 12 milyard ayırır

«AzPolitika.info»-nun xarici KİV-ə istinadla verdiyi xəbərə görə, Dünya Bankı (DB) koronovirusla mübarizədə təxirəsalınmaz kömək qismində səhiyyə sisteminin möhkəmləndirilməsinə, tibbi xidmətə əlçatanlığın yaxşılaşdırılmasına və epidemioloji nəzarətin güclədirilməsinə 12 milyard dollar vəsait yönəldəcək. Bu barədə maliyyə təşkilatının bəyanatında söhbət açılır. Qeyd olunur ki, 2019-nCoV virusu artıq dünyanın 60 ölkəsində yayılıb.

«Dünya Bankının bu yeni sürətli tədbirlər qrupu inkişaf etməkdə olan ölkələrin səhiyyə sisteminin möhkəmləndirilməsinə, o cümlədən, insanların epidemiyalardan qorunması məqsədilə tibbi xidmətə girişin yaxşılaşdırılmasına köimək edəcək, xəstəliklər üzərində epidnəzarəti gücləndirəcək və ictimai səhiyyə sahəsində tədbirləri fəallaşdıracaq» – xəbərdə belə deyilir.

Başqa bir xəbərdə isə deyilir ki, Amerika Birləşmiş Ştatlarının (ABŞ) prezidenti Donald Tramp koronavirusla mübarizə işinə özünün rüblük məvacibini yönəldib. Bu məbləğ 100 min dollar təşkil edir.