Koronavirusun yayılma coğrafiyası genişlənir
06.03.2020 - 11:06
Cənubi Asiyada yerləşən Butanda koronavirusa ilk yoluxma faktı aşkarlanıb.
“Report” xəbər verir ki, bunu ölkənin Nazirlər Kabineti açıqlayıb.
Virusa yoluxmuş şəxsin 76 yaşlı ABŞ vətəndaşı olduğu bildirilib. O, martın 2-də Butana gəlib.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. İndiyə qədər epidemiya 90 ölkədə qeydə alınıb.
Dünyada koronavirus infeksiyasına yoluxanların sayı 98 424-ə çatıb. Bunların 55 638 nəfəri sağalıb, 3 386 nəfəri isə ölüb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub.
Short URL: http://www.cumhuriyyet.net/?p=143559
