Türkiyədə koronavirus təsbit edildi
11.03.2020 - 09:58
Türkiyədə ilk dəfə koronavirusa yoluxma halı təsbit edilib. Xəstəliyə yoluxan kişinin vəziyyəti sabitdir.
Bunu Türkiyənin Səhiyyə Naziri Fahrettin Koca bəyan edib.
“Həmin kişi Avropada yoluxub və hal-hazırda cəmiyyətdən təcrid edilib. Həmçinin onun ailəsi həkimlərin nəzarəti altındadır”, – deyə nazir qeyd edib.
O, Türkiyə vətəndaşlarına zərurət olmadan xaricə getməməyi tövsiyyə edib.
“Təşvişə də gərək yoxdur. Bütün lazımi tədbirləri görürük. Bir xəstə bütün cəmiyyət üçün təhlükə mənbəyi ola bilməz”, – deyə F.Koca əlavə edib. /Haber Global (polemika.az)
Short URL: http://www.cumhuriyyet.net/?p=143800
