General Hacızadə: “ABŞ Xamneyinin iqamətgahını vurmağa hazırlaşırdı…”

25.04.2020 - 18:14

İran İnqilab Keşikçiləri Korpusunun Aerokosmik qüvvələrinin komandanı, briqada generalı Əmir -Əli Hacızadə ABŞ-ın bu ilin yanvar ayında ali dini lider ayətullah Əli Xameneyinin iqamətgahını vurmağa hazırlaşdığını deyib.

General Hacızadə bu haqda İran dövlət televiziyasının birbaşa efirində çıxışı zamanı bildirib.

Bu il yanvarın 3-də ABŞ İran İnqilab Keşikçilərinin “Əl-Qüds” xüsusi təyinatlı qüvvələrinin komandanı, general Qasım Süleymaninin Bağdadda dron zərbələri ilə öldürülməsinin ardınca Tvitter-dən bildirib ki, Tehran cavab verməyə cəhd etsə ABŞ İranın 52 obyektini, o cümlədən “mədəni dəyər” kəsb edən obyektlərini vuracaq.

Trampın həmin təhdidi ilə bağlı danışan general Əmir-Əli Hacızadə bildirib: “Onların bəhs etdiyi mədəni dəyərə malik  obyekt Ali liderin iqamətgahı idi”. General əlavə edib ki, İran general Süleymaninin öldürülməsinə cavab olaraq  İraqdakı Amerika aviabazasına raket zərbələri endirərkən ABŞ-ın mümkün cavab zərbələrini nəzərə almışdı. “Biz inanırdıq ki, onlar cavab verəcək. Ona görə də əlavə olaraq ABŞ-ın 400-ə yaxın hədəfini müəyyənləşdirmişdik və onlara kütləvi zərbələr endirməyə hazır idik”,-general deyib.

İranın Ali dini lideri Tehranın mərkəzindəki yerləşən, publik çıxışlarını etdiyi dini zala və ofisə bitişik evdə yaşayır. Kompleksin ərazisində İran parlamentinin köhnə binası, milli təhlükəsizlik üzrə Ali Şura və prezidentin dəftərxanası da yerləşir. Kompleksin və Ali dini liderin təhlükəsizliyini İnqilab Keşikçilərinin xüsusi bölmələri təmin edir.

“Azadlıq” radiosu

Short URL: http://www.cumhuriyyet.net/?p=145372

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2025
BE ÇA Ç CA C Ş B
 12
3456789
10111213141516
17181920212223
24252627282930
31