Yeni qalmaqal Ermənistanı qarışdırıb – Paşinyan Kanadada 3 milyon dollara ev alıb
Moderator.az bildirir ki, Ermənistana məxsus “Hraparak” qəzetinin yazdığına görə, biznesmen- siyasətçi Qagik Sarukyanın məlum çıxışından sonra hökumətlə “Çiçəklənən Ermənistan” Partiyası arasında gərginlik getdikcə artır. Sarukyanın açıqlaması “Mənim addımım” blokunun nümayəndələrini mənəvi sarsıntıya uğradıb.
Qəzetin yazdığına görə, Nikol Paşinyan Sarukyanla son telefon danışığında ona qarşı hər hansı addım atanları məhv edəcəyini söyləyib. Lakin bu da müxalifətdə olan partiyanın nümayəndələrini ona qarşı hücumlardan çəkindirməyib.
“Çiçəklənən Ermənistan” fraksiyasının digər üzvü Artyom Sarukyanın iddiası isə ölkəni əməlli başlı qarışdırıb. O, deyib ki, Paşinyan bir korrupsiya sövdələşməsi ilə cangüdənlərindən birinin bacısının adına Kanadada 3 milyon dollara ev alıb.
Bundan sonra hakim “Mənim addımım” blokunun nümayəndələri ilə onların arasında mübahisələr daha da qızışıb. Vəziyyət o həddə çatıb ki, hökumət təmsilçiləri A. Sarukyanın iddialının doğruluğunu yoxlanması tələbi ilə baş prokurorluğa müraciət ediblər.
Taleh
Short URL: http://www.cumhuriyyet.net/?p=148058