Rusiya XİN-in 40-a yaxın əməkdaşı koronavirusa yoluxub
Rusiyada son sutka ərzində daha 6719 nəfər yeni növ koronavirusa yoluxub, ölkə üzrə ümumi yoluxma sayı 641 156-ya yüksəlib.
Virtualaz.org yerli KİV-ə istinadən bildirir ki, ötən sutkada virus daşıyıcısı olan 93 nəfər vəfat edib.
Bununla pandemiya qurbanlarının sayı 9166-ya çatıb. İndiyədək 403 430 xəstə sağalıb.
Bu arada Rusiyanın Xarici İşlər naziri Sergey Lavrov da koronavirus məsələsinə toxunub. O deyib ki, Rusiya Xarici İşlər Nazirliyinin (XİN) 40-a yaxın əməkdaşı COVID-19-a yoluxub.
“40-a yaxın əməkdaşımız koronavirusa yoluxub. Bir nəfər vəfat edib. Koronavirusdan ölən şəxsin 62 yaşı olub, onun həyat yoldaşı təcili tibbi yardım xidmətində çalışıb və görünür ki, o, xəstəliyi asimptomatik olaraq keçirib”, – deyə Rusiya XİN başçısı vurğulayıb.
Short URL: http://www.cumhuriyyet.net/?p=148962
