ABŞ-da yeni antirekord
Son bir həftədə Birləşmş Ştatlarda dördüncü dəfə gün ərzində COVID-19 koronavirusuna yoluxma hallarının sayına görə antirekord nəticə qeydə alınıb.
Virtualaz.org federal və yerli hakimiyyətin məlumatları əsasında hesablamalar aparan Cons Hopkins Universitetinə istinadən bildirir ki, bu dəfə gün ərzində yoluxanların sayı 71 min 389 olub.
Universitetin hesablamalarına görə, bu, ötən günlə müqayisədə yoluxanların sayının 2,3% artdığını göstərir.
Məlumatda o da qeyd olunub ki, ABŞ koronavirusa yoluxma hallarının (3,22 milyondan çox) və pandemiya qurbanlarının sayına (134 mindən çox) görə dünyada birinci yerdədir.
Short URL: http://www.cumhuriyyet.net/?p=149766