ÜST: Karantin koronavirusu tamamilə dayandıra bilməz

Ölkələr tərəfindən tətbiq edilən karantin məhdudiyyətləri özü özlüyündə koronavirusun yayılmasını tam dayandıra bilməz.

Virtualaz.org bildirir ki, bunu Dünya Səhiyyə Təşkilatının (ÜST) baş direktoru Tedros Adan Gebreisus deyib.

Onun sözlərinə görə, karantin tədbirləri yalnız infeksiya ötürülməsini yavaşıtmağa kömək edir. ÜST rəhbəri bildirib ki, virusun yayılmasına qarşı mübarizə aparmaq üçün əsas alətlərdən biri də təmasda olmuş şəxslərin izlənilməsi, aşkarlanması və təcrid olunmasıdır. “Virusun harada olduğunu bilmirsə, heç bir ölkə ərazisindəki epidemiyaya nəzarət edə bilməz”, – Gebreisus bildirib.

O, yoluxmuş şəxsləri izləməyə kömək edən potensial mobil tətbiqetmələrin vacib rolunu da qeyd edib. Bununla yanaşı, təşkilatın rəhbəri virusun ötürülmə zəncirlərini qırmaq üçün yoluxmuş və təmasda olmuş şəxslərin axtarışında “qapıdan qapıya gedən” təlim keçmiş işçiləri heç nəyin əvəz etməyəcəyini söyləyib.

“Təmasları izləmə hər bir ölkə üçün, hər vəziyyətdə lazımdır. Bu, fərdi halların çoxluq halına gəlməsinə və çoxluqların cəmiyyətdə daha da yayılmasına mane ola bilər”,- deyə ÜST rəhbəri vurğulayıb.

Short URL: http://www.cumhuriyyet.net/?p=150522