Avropa ölkələrində karantin tədbirləri gücləndirilir
28.07.2020 - 13:36
Belçikada koronavirus infeksiyasına yoluxma sayının yenidən artması ilə əlaqədar karantin tədbirləri gücləndirilib.
Trend-in məlumatına görə, iyulub 29-dan başlayaraq sakinlər ailə üzvləri xaricində gün ərzində ən çox 5 nəfərlə görüşə biləcək.
Kütləvi toplantılar zamanı say həddi 200 nəfərdən 100 nəfərədək azaldılıb.
Almaniyada isə ölkənin səhiyyə naziri Yens Span yüksək risk qrupu ölkələrindən Almaniyay gələn şəxslərin icbari olaraq koronavirus testindən keçəcəyini bildirib.
Fransanın şimal-qərbindəki Bretan əyalətində yoluxma hallarının artması ilə əlaqədar çimərliklərə axşam saatlarından sonra daxil olmaq qadağan edilib.
Short URL: http://www.cumhuriyyet.net/?p=151127
