Dünyanın ən inkişaf etmiş iki dövləti yeni nəsil raketləri izləyəcək
ABŞ və Yaponiya 2020-ci illərin ortalarında yeni nəsil raketləri aşkar etmək, izləmək, o cümlədən hipersonik texnologiyalardan istifadə edən miniatür LEO peyklərinin şəbəkəsini genişləndirməyi planlaşdırır.
Layihənin təqribən doqquz milyard dollara başa gələcəyi qeyd olunur. Tərəflər yaxın gələcəkdə əməkdaşlığın detallarını hazırlayacaqlar.
Vaşinqton 300-1000 km hündürlükdə orbitə minə yaxın kiçik müşahidə aparatının buraxılacağını nəzərdə tutub. Eyni zamanda, onlardan 200-ü raketləri aşkar etmək üçün infraqırmızı sensorlarla təchiz ediləcək.
Məlumata görə, ilk 30 eksperimental peyk 2022-ci ildə buraxılacaq.
Yaponiya da öz növbəsində bu layihəyə qoşulmağı, miniatürləşdirmə və sensor inkişafı üçün texnologiyalarını təklif etməyi planlaşdırır. O da layihəni qismən maliyyələşdirəcək.
Virtualaz.org
Short URL: http://www.cumhuriyyet.net/?p=152757
