Pandemiya İran Azərbaycanında musiqi sənətçilərinin vəziyyətini ağırlaşdırıb

31.08.2020 - 11:16

Ötən il İran Azərbaycanından sonra Azərbaycan Respublikasında da populyarlaşan “Səni deyirlər” mahnısının bəstəkarı aşıq Məhəmməd Əli Mahmudi musiqi sənətçilərinin dolanışıq vəziyyətinin çətinləşdiyini söyləyib.

İllər öncə bəstələdiyi Qərbi Azərbaycan vilayətinin paytaxtı Urmiyə şəhəri və gölünü vəsf edən “Səni deyirlər” mahnısı 2018-ci il bir daha gənc sənətkar İbrahim Əlizadə tərəfindən ifa edildi və bir gənc qızın mahnının sədaları altında rəqs etməsinin ardından həmin mahnı İnstagram sosial şəbəkəsində kampaniya fenomeninə çevrildi.

Mahnısı ilə minlərlə insanın rəqs edərək şənlənməsinə səbəb olan sənətkar Aşıq Məhəmməd Əli Məhmudi, bu dəfə İLNA xəbər agentliyi ilə müsahibəsində dolanışıq vəziyyətinin heç yaxşı olmadığını bildirib. O, koronavirus pandemiyası dövründə özü kimi bir çox musiqi sənətçisinin dolanışıq vəziyyətinin pisləşdiyini də söyləyib.

Aşıq Mahmudi xalq musiqisi sənətkarlarının vəziyyəti barəsində deyib: “Bütün xalq musiqisinin sənətkarları bir çox problemləri vardır və bu, yeni məsələ deyil. Sənətkarlar da bu toplumun bir parçasıdır və onlarında hər bir vətəndaş kimi yaşamaq haqqı olmalıdır. Bəzən eşidirəm rəsmilər 60 yaşdan yuxarı sənətkarları təqaüdə göndərərək siğortalayıb maaş verdiklərin iddia edirlər bu qətiyyən yanlış məlumatdır və heç bir sənətkar üçün belə imkanlar yaradılmayıb. Bu ölkədə sənətkarlar məzlumdurlar.”

Aşıqların şənlik və toy mərasimlərində iştirak edib ifaları ilə gəlir əldə etdiklərini söyləyən aşıq koronavirus pandemiyası dövründə həyat və dolanışıq şəraitinin çox pisləşdiyini deyib.

”Bəlkə sizin üçün inanilmaz olsun amma həqiqətən 10 ildən sonra ötən qurban bayramında ət yeməyi yedim, 3 ildir dişim ağrıyır, amma maddi durumumdan dolayı həkimə gedə bilmirəm, həyat yoldaşım diabet xəstəsidir, ancaq sığortam olmadığı üçün müalicə etdirə bilmirəm” – deyə, o öz yaşayışı haqda yazıb.

Aşıq Mahmudi İran rəsmilərinin Azərbaycan musiqisi və aşıq sənətinə olan mövqeyini qınayaraq deyib ki, “indi bir çox gənclərdən soruşsan ki, aşıq kimdir bilməzlər, bunun səbəbi isə İran rəsmilərinin aşıq sənətinə olan mövqeyidir.”

O, İran rəsmiləri tərəfindən televiziyada aşıqların çıxışına izin verilməməsini tənqid edib. Aşıq deyib ki, “televiziyada aşıqların çıxışına izin verilsə də aşıq və onun sazını göstərməməyə çalışırlar, bu şəraitdə insanların aşıq sənətinə laqeyd qalmaları normaldır.”

İranın Qərbi Azərbaycan vilayətinin Sulduz şəhərində yaşayan aşıq Məhəmməd Əli Mahmudi, 1977-ci ildə məşhur “Səni deyirlər” mahnısının sözlərini yazıb və musiqisini bəstələyıb. Daha sonra başqa müğənnilər tərəfindən ifa olunan mahnı sosial mediada bir çox insanın rəğbətini qazanıb.

http://www.cumhuriyyet.net/wp-content/plugins/sociofluid/images/google_16.png http://www.cumhuriyyet.net/wp-content/plugins/sociofluid/images/facebook_16.png http://www.cumhuriyyet.net/wp-content/plugins/sociofluid/images/yahoobuzz_16.png http://www.cumhuriyyet.net/wp-content/plugins/sociofluid/images/twitter_16.png

Short URL: http://www.cumhuriyyet.net/?p=153229

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Sentyabr 2020
BE ÇA Ç CA C Ş B
« Avq    
 123456
78910111213
14151617181920
21222324252627
282930