ABŞ hakimiyyəti də seçkilərin saxtalaşdırılmasından qorxur
“ABŞ-da bu iln noyabr ayının 3-də keçiriləcək prezident seçkilərində kütləvi şəkildə poçtla səsvermə digər ölkələri bülletenləri saxtalaşdırmağa imkanı verəcək.
Musavat.com xarici agentliklərə istinadən xəbər verir ki, bu barədə Birləşmiş Ştatların Ədliyyə naziri Uilyam Barr CNN kanalının efirində danışıb.
Onun sözlərinə görə, poçtla səsvermə metodu xarici ölkələrə seçklərin nəticələrini öz xeyrinə dəyişdirmək üçün əla fürsət yaradıb. Lakin nazir bununla bağlı əllərində hər hansı fakt və ya sübutun olmadığını etiraf edib.
Qeyd etmək lazımdır ki, bundan öncə ABŞ prezidenti Donald Trampın özü də pandemiya ilə əlaəqdar ABŞ-da geniş miqyasda tətbiq olunması təklif edilən poçt üsulu ilə səsvermə sistemini kəskin surətdə tənqid etmişdi.
ABŞ liderini fikrincə, bu üsul nəticələri dəqiq və operativ əks etdirməyə imkan vermir. Çünki bu ortaya həm çoxlu sayda saxta bülletenlərin çıxmasına, habelə “ölü” lərin belə səsverməyə “qatılmasına” gətirib çıxaracaq.
Short URL: http://www.cumhuriyyet.net/?p=153510