Belarus müxalifətinin daha bir lideri tutularaq naməlum istiqamətə aparılıb

07.09.2020 - 15:44

Bu gün səhər saatlarında Belarusun paytaxtı Minsk şəhərində ölkə müxalifətinin təsis etdiyi Koordinasiya şurasının üzvü Mariya Kolesnikova naməlum şəxslər tərəfindən saxlanıldıqdan sonra zorla bir mikroavtobusa mindirilərək, bilinməyən istiqamətə aparılıb.

Musavat.com xəbər verir ki, bu barədə “tut.by” portalı şahidlərin dediklərinə əsasən məlumat yayıb.
Onların sözlərinə görə, insident Milli incəsənət muzeyi qarşısında baş verib.
Koordinasiya şurasının üzvü Maksim Znak “RBK” agentliyinə verdiyi müsahibədə Mariya Kolesnikova ilə bərabər Şuranın digər üzvləri ilə əlaqənin itdiyini təsdiqləyib.

Bunların içində Mariyanı axtarmağa gedən KŞ-nın mətbuat katibi Anton Rodnenkov və icraçı katib İvan Kravtsov var. Bütün itən şəxslər barəsində hazırda onların vəkilləri vasitəsilə axtarış elan olunub. Hüquqşünaslar bununla bağlı DTK və İstintaq komitəsinə də məlumat veriblər.
Minsk milisi isə ənənəvi olaraq heç bir şeydən xəbərdar olmadığını bildirib. Şəhər milis idarəsinin mətbuat xidmətinin rəhbəri Natalya Qanuseviç nə Mariya Kolesnikova, nə də Koordinasiya şurasının digər üzvləri ilə bağlı hər hansı informasiya almadıqlarını söyləyib.

Xatırladaq ki, dünən Koordinasiya şurasının digər üzvü Olqa Kovalkova zorla başına torba keçirilərək ölkədən çıxarılmış və Polşa ilə sərhəddən keçirilmişdi.
Bundan öncə ölkə müxalifətinin lideri Svetlana Tixonovskaya bu ilin avqust ayının 9-da keçirilən prezident seçkilərindən çox az müddət sonra Litvaya mühacirətə getməyə məcbur edilmişdi.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=153775

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Sentyabr 2020
BE ÇA Ç CA C Ş B
 123456
78910111213
14151617181920
21222324252627
282930