“Dqr” işğalı təsdiqlədi, İrəvandan dərhal əmr gəldi – Foto

10.09.2020 - 11:08

Ermənistanda hakimiyyət uğrunda mübarizənin qızışdığı bir vaxtda Azərbaycanın işğal olunmuş ərazilərində qurulan qondarma rejimin “rəsmi”ləri İrəvanı çətin duruma salıb. Axar.az “Analitik.am”a istinadən xəbər verir ki, hadisə “dqr”in “təhlükəsizlik şurasının rəhbəri” Samvel Babayanın Qarabağdakı erməni icmasının gəncləri ilə görüşü zamanı baş verib.

Belə ki, Samvel Babayan “dqr” ilə Ermənistan arasında hərbi ittifaqın imzalanması ilə bağlı suala bu cür cavab verib:

“Biz hərbi ittifaqı kimlə bağlayırıq? Yəni bu müqaviləni kim kimlə imzalayır? Belə çıxır ki, Ermənistan müqaviləni özüylə bağlayır?”

Mahiyyət etibarı ilə Babayan separatçı və oyuncaq qurumun hüquqi olaraq mövcud olmadığını, Dağlıq Qarabağı Ermənistanın işğal etdiyini və hazırda da burada Ermənistan ordusunun olduğunu təsdiqləyib.

Babayanın bu bəyanatı İrəvanda qalmaqal yaradıb.

Məlumata əsasən, bu açıqlamadan bir neçə saat sonra İrəvandan separatçı rejimin liderlərinə sözügedən bəyanatı bütün media orqanlarından sildirmək üçün əmr gəlib.

“Bu məlumat Dağlıq Qarabağı Ermənistanın işğal etdiyini təsdiqləyir. Ancaq İrəvan beynəlxalq ictimaiyyətə rəsmi səviyyədə Ermənistan ordusunun “dqr”ə yalnız dəstək verdiyini göstərmək istəyir”, – erməni nəşrində deyilir.

Short URL: http://www.cumhuriyyet.net/?p=153955

XƏBƏR LENTİ

virtual_roadi

30.08.2024Uğurun memarı
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2025
BE ÇA Ç CA C Ş B
 12
3456789
10111213141516
17181920212223
2425262728