Prezident koronavirusa yoluxub, vitse-prezident isə karantin rejiminə əməl etmək fikrində deyil
03.10.2020 - 15:26
Donald Trampın koronaviusa yoluxmasından sonra Birləşmiş Ştatlarda gözlər vitse-prezident Maykl Pensə çevrilib.
Çünki prezidentin başına bir iş gəlməsi halında onu əvəzləyəcək və vəzifələrini icra edəcək dövlət adamı məhz Maykl Pensdir.
“Bu səhər vitse-prezident Pensin və ölkənin ikinci xanımının COVİD-19 testləri neqativ çıxıb. Maykl Pens tamamilə sağlamdır və prezidentə tezliklə sağalaraq öz işinə geri qayıtmasını arzulayır”,-deyə mətbuat katibi Devin O`Malli tvitter hesabında yazıb.
Vitse-prezidentin həkimi Cess Şononun sözlərinə görə, onun karantinə salınmasına ehtiyac yoxdur. Çünki Maykl Pens Tramp daixl olmaqla infeksiyaya yoluxan heç bir dövlət adamı ilə yaxın təmasda olmayıb.
Short URL: http://www.cumhuriyyet.net/?p=155323
