Gürcüstanda koronavirusa yoluxanların sayı 9 mini ötüb
06.10.2020 - 11:35
Gürcüstanda son sutka ərzində yeni növ koronavirus (COVID-19) infeksiyasına 549 yoluxma halı qeydə alınıb, 6 nəfər ölüb.
APA-nın yerli bürosunun xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib.
Bununla da qonşu ölkədə koronavirusa yoluxanların sayı 9 245 nəfərə, ölənlərin sayı 58 nəfərə çatıb.
Qeyd edək ki, Gürcüstanda koronavirus səbəbi ilə hazırda 5 392 nəfər karantində saxlanılır, 836 nəfər isə stasionar şəraitdə müalicə olunur. Koronavirusa yoluxanlardan 4 887 nəfərin sağaldığı bildirilir.
Short URL: http://www.cumhuriyyet.net/?p=155498
