Polşa “Qazprom”a milyardlarla dollarlıq cərimə kəsib

Polşa dövlətinin antiinhisar nizamlayıcısı “UOKİK” Rusiyanın “Qazprom” şirkətini 7,7 milyard dollar məbləğində cərimələyib.

Musavat.com xarici agentliklərə istinadən xəbər verir ki, Polşanın rəsmi qurumu bunu “Şimal axını-2” layihəsinin tikintisi ilə əsaslandırıb.

Rəsmi Varşava bundan başqa Rusiyanın qaz monopolisti ilə birlikdə hərəkət edən daha 5 şirkəti 61 milyon dollar məbləğində cərimələyib. Bundan başqa “UOKiK” həmin firmaların üzərinə “Qazprom”la imzaladıqları sazişləri pozmaq öhdəliyini də qoyub.

Quru rəhbəri Tomaş Xrustnının sözlərinə görə bəhs edilən podratçı şirkətlər, bununla bağlı Polşa dövlətinə 30 gün ərzində rəsmi arayış verməlidirlər.

Rusiya “Qazprom”u xəbərə sərt təpki göstərərək, Polşa dövlətinin mövqeyi ilə qəti şəkildə razı olmadığını bildirib. Onlar bu qərarı məhkəmədə mübahisələndirəcəklərini vurğulayıblar.

“Qazprom” şirkətinin fikrincə, cərimənin böyüklüyü Polşanın əslində “Şimal axını-2” layihəsinə hər vəchlə mane olmaq niyyətindən xəbər verir.

Short URL: http://www.cumhuriyyet.net/?p=155603