Ermənistanda koronavirusa yoluxanların sayı 61 mini ötdü
16.10.2020 - 11:36
Ermənistanda daha 1 465 nəfərdə koronavirus aşkarlanıb.
“Report” xəbər verir ki, məlumatı ölkənin Səhiyyə Nazirliyinin Xəstəliklərə Nəzarət və Profilaktikası üzrə Milli Mərkəzi yayıb.
Bununla da Ermənistanda virusa yoluxanların sayı 61 460-a yüksəlib.
Qeyd olunub ki, ölkədə pandemiyadan ölənlərin sayı daha 7 nəfər artaraq 1 046-ya çatıb. İndiyədək 47 571 nəfər infeksiyadan sağalıb.
Hazırda Ermənistanda 13 919 aktiv koronavirus xəstəsi var.
Xatırladaq ki, ötən gün Ermənistanda 1 371 yoluxma, 7 ölüm faktı açıqlanmışdı.
Short URL: http://www.cumhuriyyet.net/?p=156173
