Çində COVID-19-a gündəlik yoluxma halları yenə çoxalıb

15.01.2021 - 11:31

COVID-19 virusunun yayılmasını ötən bir neçə ayda nəzarət altına almağı bacaran Çində son günlər yoluxma halları yenidən çoxalmağa başlayıb. Ötən sutka ölkədə infeksiyaya 144 yoluxma qeydə alınıb.

AZƏRTAC Çinin Səhiyyə Məsələləri üzrə Dövlət Komitəsinə istinadla xəbər verir ki, yoluxma hallarının əsas hissəsi Hebey və Heyloncian vilayətlərində aşkarlanıb. Bundan başqa, 66 asimptomik hal da qeydə alınıb.

Yoluxma hallarının daha çox aşkarlandığı ölkənin şimal bölgələrində epidemiya əleyhinə qaydalar gündən-günə sərtləşdirilir. Cilin vilayətində uşaq bağçalarının, tədris mərkəzlərinin, yeniyetmələr üçün dərnəklərin fəaliyyəti dayandırılıb. Orta məktəblərdə isə qış tətili vaxtından əvvəl başlayıb.

Qeyd edək ki, Çində yanvarın ilk günlərindən COVID-19 virusuna gündəlik yoluxma hallarının sayında artım müşahidə olunur. Gündəlik təsdiqlənmiş yoluxma sayı mart ayındakı səviyyəyə çatıb. Yanvarın 13-də isə 8 aylıq fasilədən sonra ilk ölüm qeydə alınıb. Hebey vilayətinin paytaxtı Şıciacuan şəhərində, ardınca isə vilayətin Sintay şəhərində tam qapanma elan edilib. Bundan başqa, digər vilayətlərdə və paytaxt Pekində bəzi yaşayış rayonları aşağı, orta və ya yüksək riskli zonalar elan olunub. Ekspertlər Çinin COVID-19 pandemiyasının ikinci dalğası ilə üz-üzə olduğunu bildirirlər. Paralel olaraq Çində risk qrupundan olan əhalinin yeni növ koronavirusa qarşı vaksinasiyası davam etdirilir. İndiyədək 9 milyondan çox adam peyvənd olunub.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=159786

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Mart 2021
BE ÇA Ç CA C Ş B
1234567
891011121314
15161718192021
22232425262728
293031