Çempionlar Liqasının bütün yarımfinalçıları müəyyənləşdi

15.04.2021 - 08:37

 

Çempionlar Liqasının bütün yarımfinalçıları müəyyənləşdi

 

Aprelin 14-də futbol üzrə UEFA Çempionlar Liqasında dörddəbir final mərhələsinə yekun vurulub.

Son oyun günündə gerçəkləşən iki qarşılaşmadan sonra yarımfinalın bütün iştirakçıları müəyyənləşib.

İngiltərədəki ilk matçda “Mançester Siti”yə 1:2 hesabı ilə uduzan Almaniyanın “Borussiya Dortmund” klubu bu dəfə rəqibi ilə doğma meydanda üz-üzə gəlib. Görüş Dortmund təmsilçiləri üçün yaxşı başlayıb. Oyunun 15-ci dəqiqəsində meydan sahibləri hesabda önə çıxıb. Jude Bellingham fərqlənib. Hesabı qorumağa çalışan “Borussiya” qoldan sonra müdafiə oturaraq rəqibin qarşılıqlı hücumları ilə üzləşib.

Buna baxmayaraq birinci hissə “Borussiya Dortmund”un minimal hesablı qələbəsi ilə başa çatıb.

Fasilədən sonra hücumlarını kəsərin artıran “Mançester Siti” rəqibin qapısına ardıcıl iki qol vurub. Matçın 50-ci dəqiqəsində Riad Mahrez penaltini dəqiq yerinə yetirib, 75-ci dəqiqədə isə Filip Foden komandasının qələbə topunu vurub.

Beləliklə, hər iki oyunda eyni hesabla qələbə qazanan “Mançester Siti” yarımfinala vəsiqəni təmin edib.

Gecənin digər oyunu İngiltərədə “Liverpul”la İspaniyanın “Real Madrid” klubları arasında baş tutub. Madriddəki ilk qarşılaşmada rəqibini 3:1 hesabı ilə məğlub edən “kral klubu” cavab görüşündə qolsuz heç-heçə edərək qitənin ən nüfuzlu klub turnirinin yarımfinalına adlayıb.

Qeyd edək ki, yarımfinal mərhələsində “Paris Sen-Jermen” – “Çelsi” ilə, “Mançester Siti” isə “Real Madrid” komandası ilə qarşılaşacaq. Həmin görüşlərin ilk oyunları aprelin 27-28-də, cavab qarşılaşmaları mayın 4-5-də oynanılacaq. Qitənin ən nüfuzlu klub turnirinin final görüşü isə mayın 29-da İstanbuldakı Atatürk Olimpiya Stadionunda keçiriləcək.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=162303

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
May 2021
BE ÇA Ç CA C Ş B
 12
3456789
10111213141516
17181920212223
24252627282930
31