Ukrayna kəşfiyyatının eks-şefi dənizdən ölü tapıldı

Ukraynanın iki kəşfiyyat idarəsinin keçmiş rəisi Viktor Qvozd Misirdə ölüb.

Bu məlumatı “Liga.net” saytı yayıb.

Məlumata görə, o, Qırmızı dənizdə Dahab şəhəri yaxınlığında ölüb. 62 yaşlı general-leytenantın cəsədinin dənizə girdikdən bir müddət sonra aşkarlandığı bildirilib.

Qeyd edək ki, Qvozd 2008-2010-cu illər arasında Ukrayna hərbi kəşfiyyatına, 2014-2016-cı illərdə isə Xarici Kəşfiyyat Xidmətinə rəhbərlik edib.