İRƏVAN QARIŞDI: Nazirin istefası tələb olunur – SƏBƏB

Ermənistanda Səhiyyə Nazirliyinin binası qarşısında etiraz aksiyası keçirilib.

Aksiya iştirakçıları erməni hərbçilərin cəsədlərinin gizlədilməsinə etirazlarını bildiriblər.

Onlar səhiyyə naziri vəzifəsini icra edən Anait Avanesyanın istefasını tələb ediblər.

Məlumata görə, əraziyə cəlb olunan polis əməkdaşları bir neçə aksiya iştirakçısını saxlayıb.

Xatırladaq ki, sosial şəbəkələrin erməni seqmentində Qarabağ müharibəsində ölən erməni hərbçilərin plastik torbalara bükülmüş cəsəd və qalıqlarının əks olunduğu fotolar yayılıb. Həmin torbalar tibbi-ekspertiza mərkəzinin Abovyan bölməsinin zirzəmisində yerə səpələnib. Cəsədlərin görüntüləri Ermənistanda ciddi etirazlara səbəb olub.