Haiti prezidentinin qətli ilə bağlı 19 nəfər saxlanıldı

Haiti hüquq-mühafizə orqanları Prezident Jovenel Moizinin sui-qəsdində iştirak etməkdə şübhəli bilinən 19 nəfəri saxlayıb.

Bu barədə Haiti polisinin “Facebook” səhifəsində məlumat verilib.

Bildirilib ki, nəzarət altına alınanlardan 17-si kolumbiyalı və 2-si Haiti əsilli amerikalıdır. Qeyd olunur ki, polis hazırda gizlənən daha altı nəfərin axtarışını davam etdirir.

Xatırladaq ki, Haiti prezidenti Jovenel Moizi iyulun 7-də yaşadığı evə naməlum silahlıların hücumu nəticəsində qətlə yetirilib. Həyat yoldaşı Martin Moizin vəziyyəti ağırdır. Ölkənin baş naziri vəzifəsini müvəqqəti icra edən Klod Jozefin sözlərinə görə, hücumu icra edənlərdən bəziləri ingilis və ispan dillərində danışırmış.