Çexiya Ukraynaya hərbi texnikalar göndərdi

Çexiya Ukraynaya T-72 tankları və BVP-1 piyada döyüş maşınları göndərib.

Cumhuriyyet.az xəbər verir ki, bu barədə “Reuters” agentliyi məlumat yayıb.

Çex Televiziyası tvitterdə beş tank və beş döyüş maşını ilə yüklənmiş qatarın görüntülərini nümayiş etdirib. Kanal zirehli texnikanın NATO müttəfiqləri ilə razılaşdırıldığını bildirib.

Ölkənin müdafiə naziri Jana Cernoçova parlamentə deyib ki, Çexiya Ukraynaya bacardığı qədər kömək edir və həm yüngül, həm də ağır hərbi texnika ilə kömək etməyə davam edəcək.

Bundan əlavə, qeyd olunub ki, Çexiya fevralın 24-də müharibə başlayandan bəri Ukraynaya təxminən 1 milyard kron (45 milyon dollar) dəyərində hərbi yardım göndərib.

Short URL: http://www.cumhuriyyet.net/?p=172959