Bayden Ukraynaya nümayəndə heyəti göndərir
14.04.2022 - 21:52
ABŞ prezidenti Co Bayden Ukraynaya yüksək səviyyəli nümayəndə heyətinin göndərilməsi ilə bağlı müzakirələrin aparıldığını bildirib.
Cumhuriyyet.az xəbər verir ki, bu barədə Bayden Şimali Karolinaya getməzdən əvvəl jurnalistlərə məlumat verib.
Jurnalist Baydendən Ukraynaya ABŞ dövlət katibi Entoni Blinken və müdafiə naziri Lloyd Ostinin də daxil olduğu yüksək səviyyəli nümayəndə heyəti göndərib-gömdərməyəcəyi ilə bağlı sual ünvanlayıb
“Hazırda bununla bağlı qərar verməyə çalışırıq”, – deyə Bayden bildirib.
Ağ Evin mətbuat katibinin müavini Karine Yen Pyer də Baydenin açıqlamalarını təkrarlayıb və ABŞ-ın Ukrayna rəsmiləri ilə daim təmasda olduğunu söyləyib.
Short URL: http://www.cumhuriyyet.net/?p=173586
