Şakira məşhur futbolçudan xəyanətə görə ayrıldı

Məşhur müğənni Şakira sevgilisi, “Barselona”nın müdafiəçisi Jerar Pikedən ayrılıb.

Cumhuriyyet.azxarici KİV-ə istinadən xəbər verir ki, ayrılığa səbəb futbolçunun xəyanəti olub.

Jerar Pike dostu Rikard Puçe ilə tez-tez “Bling Bling” və “Patron” gecə klublarında əylənirmiş. Burada onlar digər qadınların əhatəsində diqqət çəkiblər. İndi Jerar bir neçə həftədir ki, köhnə mənzildə tək yaşayır.

Xatırladaq ki, Şakira və Jerar Pike 2010-cu ildə görüşməyə başlayıblar, lakin onlar yalnız bir ildən sonra romantikalarını təsdiqləyiblər. Futbolçu müğənninin Cənubi Afrikada keçirilən dünya çempionatına həsr etdiyi “Vaka Vaka” mahnısının klipinə də çəkilib.

Ulduzlar iki oğul böyüdür: 7 yaşlı Saşa və 9 yaşlı Milan.

Short URL: http://www.cumhuriyyet.net/?p=176069