“Erməni icması Türkiyənin ayrılmaz hissəsidir” – Çavuşoğlu

Türkiyənin xarici işlər naziri Mövlud Çavuşoğlu İstanbul ermənilərinin patriarxı Sahak Maşalyan və Erməni Apostol Kilsəsinin Vatikan nümayəndəsi Xacaq Barsamyan ilə görüşüb.

Cumhuriyyet.az xəbər verir ki, bu barədə nazir tviter səhifəsində məlumat paylaşıb.

“Erməni icması ölkəmizin ayrılmaz hissəsidir. Biz erməni icmasının tanınmış nümayəndələri ilə dialoqumuzu və təmaslarımızı davam etdirəcəyik”, – Çavuşoğlu vurğulayıb.

Qeyd edək ki, Ermənistanla Türkiyə arasında diplomatik əlaqələr mövcud deyil. İki ölkənin sərhədləri 1993-cü ildən bağlıdır. Hazırda Türkiyə və Ermənistan arasında normallaşma prosesi davam edir.

Short URL: http://www.cumhuriyyet.net/?p=176562