Əfqanıstan Pakistandan üzr istədi

13.12.2022 - 19:54

Əfqanıstan hakimiyyəti Pakistanla sərhəddəki Spin-Boldak-Çaman keçid məntəqəsi yaxınlığında baş verən atışma ilə bağlı üzr istəyib.

Bu barədə çərşənbə axşamı Pakistanın müdafiə naziri Havacı Məhəmməd Asif Milli Assambleyada (parlamentin aşağı palatası) çıxışı zamanı məlumat verib.

Onun sözlərinə görə, müvafiq bəyanatlar sərhəd təhlükəsizliyi məsələləri üzrə hökumətlərarası komitənin işi çərçivəsində verilib.

Nazir bildirib ki, Əfqanıstan tərəfi səhvini etiraf edib və belə hadisələrin bir daha təkrarlanmamasını təmin edəcəyinə söz verib.

Qeyd edək ki, Pakistan-Əfqanıstan sərhədində insident dekabrın 11-də Spin-Boldak-Çaman keçid məntəqəsi yaxınlığında baş verib.

Məlumata görə, buna səbəb bir qrup əfqan tərəfindən Pakistanın inşa etdiyi sərhəd sədlərinin bəzi hissələrini dağıtmaq cəhdi olub. Bunun ardınca əfqan sərhədçiləri Pakistan ərazisini minaatanlardan atəşə tutub, nəticədə 6 nəfər ölüb, 17 mülki şəxs yaralanıb. Pakistan hərbçiləri cavab atəşi açıb. Atışma nəticəsində Əfqanıstan ordusunun ən azı 8 əsgəri məhv edilib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=186372

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2023
BE ÇA Ç CA C Ş B
 12345
6789101112
13141516171819
20212223242526
2728