İsrail-ABŞ strateji tərəfdaşlığının gücləndirilməsi müzakirə edilib
02.01.2023 - 23:17
İsrailin yeni xarici işlər naziri Eli Koen ABŞ dövlət katibi Entoni Blinkenlə telefon danışığı aparıb.
Cumhuriyyet.az-ın məlumatına görə, israilli nazir özünün “Twitter“ səhifəsində bildirib ki, söhbət zamanı iki ölkə arasında strateji tərəfdaşlığın gücləndirilməsi müzakirə olunub.
“Mən indicə ABŞ dövlət katibi Entoni Blinkenlə danışdım. Digər məsələlərlə yanaşı, biz “İbrahim sazişləri”nin (İsrailin bir sıra ərəb ölkələri ilə münasibətləri normallaşdırmaq üçün əldə etdiyi razılaşmalar – red.) və onların genişləndirilməsinin əhəmiyyətini, eləcə də İranın nüvə silahı əldə etməsinin qarşısını almaq üçün birgə hərəkətləri müzakirə etdik”, – israilli nazir yazıb.
Short URL: http://www.cumhuriyyet.net/?p=186863
