Ukraynada 8 Mart, 1 May və Qələbə günləri ləğv olunur
14.02.2023 - 16:41
Ukrayna Ali Radasına 8 Mart – Beynəlxalq Qadınlar, 1 May – Beynəlxalq Əmək və 9 May – Qələbə günlərinin qeyd edilməsinin ləğvi haqqında qanun layihəsi təqdim edilib.
Sənəd parlamentin saytında dərc olunub.
Belə ki, layihədə 8 Mart əvəzinə yeni dövlət bayramının – fevralın 25-də Ukrayna Qadını Gününün təsis edilməsi və rəsmi istirahət günü olması təklif edilib.
Bu tarix ukraynalı şairə Lesya Ukrainkanın doğum günü şərəfinə seçilib. İstirahət günü kimi martın 9-u – şair Taras Şevçenkonun doğum günü olması təklif edilir.
Bundan başqa, sənəddə 1 May Əmək Günü və 9 May Qələbə Gününün qeyd edilməsinin ləğv edilməsi, bunun əvəzinə yalnız 8 Mayda Anım və Barışıq Gününün qeyd edilməsi təklif olunur.
Short URL: http://www.cumhuriyyet.net/?p=188048
