Moldova müxalifəti mitinqlərə başladı
19.02.2023 - 17:20
Moldovada müxalif “Şor” partiyasının tərəfdarları hökumət əleyhinə mitinqlərə başlayıb.
Cumhuriyyet.az xəbər verir ki, bu barədə “RİA Novosti” məlumat yayıb.
Etirazçılar əllərində hökumət əleyhinə şüarlar yazılmış plakatlar tutaraq, Prezident Maya Sandu və Baş nazir Dorin Reçanı istefaya çağırıblar.
“Əhalidən oğurlanan pulların qaytarılmasına nail olmaq istəyirik. Ölkəmizdə qazın və istiliyin tarifləri 8 dəfə artıb və hesab edirik ki, bu, ölkə rəhbərliyinin, hökumətin günahı ucbatından baş verib. Qış aylarında vətəndaşların borclarının tam ödənilməsini tələb edirik. Hökumət istefaya getməli, parlament buraxılmalıdır”, – “Şor” partiyasının sədr müavini Marina Tauber bildirib.
Short URL: http://www.cumhuriyyet.net/?p=188445
