Rusiya ÜTT-dən çıxmayacaq – Biriçevski
Rusiya Ümumdünya Ticarət Təşkilatından (ÜTT) çıxmaq niyyətində deyil.
Cumhuriyyet.az xəbər verir ki, bunu Rusiya Xarici İşlər Nazirliyinin İqtisadi Əməkdaşlıq Departamentinin direktoru Dmitri Biriçevski deyib.
O bildirib ki, Rusiya tərəfi çoxtərəfli ticarətdə iştirakının bütün variantlarını nəzərdən keçirir, təşkilata tamhüquqlu üzvlüyün fayda və xərcləri balansını təhlil edir:
“ÜTT-yə üzv olmaqdan imtina qərblilərin gözündə onların antirusiya xəttinin effektivliyinin sübutu kimi görünəcək. Bu onların antirusiya kursunun daha da sərtləşməsinə, dünya iqtisadiyyatının tənzimlənməsində eroziya proseslərinin güclənməsinə təsir edəcək. ÜTT alternativsiz qlobal platformadır. Bunun əsasında Rusiya ona qarşı qeyri-dost fəaliyyət göstərməyən ölkələrlə ticarət və iqtisadi münasibətlər qurur”.
Short URL: http://www.cumhuriyyet.net/?p=190120
