Şoyqudan aldığı tapança Priqojinə qaytarıldı
İyunun 24-də axtarışlar zamanı Rusiya müdafiə naziri Sergey Şoyqudan aldığı “Glock” tapançası və götürülən digər silahlar “Vaqner”in rəhbəri Yevgeni Priqojinə geri qaytarılıb.
Cumhuriyyet.net xəbər verir ki, bu barədə “Fontanka.ru” məlumat yayıb.
Bildirilib ki, iyulun 4-də Priqojin Rusiya Federasiyası Federal Təhlükəsizlik Xidmətinin Sankt-Peterburq və Leninqrad vilayəti üzrə idarələrinə şəxsən baş çəkib. O, bura mühafizəçiləri ilə gəlib. Priqojin “Şimali Versal” elit iqamətgahında tapılan və müsadirə edilən silahları ona qaytarmaq üçün rəsmi dəvət olunub.
Nəşrin yazdığına görə, “Glock”dan əlavə ona iki “Sayqa” karabini, bir “Steyr Mannlicher”, “Arka” yarımavtomat tüfəngi və daha bir neçə tüfəng və tapança qaytarılıb.
Short URL: http://www.cumhuriyyet.net/?p=192918
