Lukaşenko: “Vaqner”in yerdəyişməsi məsələsi həllini tapmayıb
“Vaqner” Özəl Hərbi Şirkətlə bağlı vəziyyətdən sonra Belarus və Rusiya arasında münasibətlər daha da möhkəmlənəcək.
Cumhuriyyet.net xəbər verir ki, bunu Belarus prezidenti Aleksandr Lukaşenko bildirib.
“Nəyə görə bizim münasibətlərimiz zəifləməlidir? Problemi birlikdə həll etdik. Rusiya üçün ən ciddi problemi həll etdik. Bəs onda niyə görə münasibətlərimiz pisləşməlidir?”, deyə Belarus lideri Minsk-Moskva münasibətlərinin “Vaqner”ə görə pisləşə bilərmi sualına cavabında vurğulayıb.
Lukaşenko onu da bildirib ki, “Vaqner”in bu günə qədər yerdəyişməsi məsələsi həllini tapmayıb:” Biz düşərgələr tikmirik, biz onlara Sovet dövründə istifadə edilən bir neçə keçmiş hərbi düşərgə təklif etmişik, o cümlədən Osipoviç yaxınlığında… Əgər onlar razı olsalar….Ancaq “Vaqner” yerləşdirmə ilə bağlı fərqli bir görüşə malikdir, əlbəttə ki, bu görüş haqqında sizə danışmayacağam”.
Short URL: http://www.cumhuriyyet.net/?p=192994