Putin dünyaya SÖZ VERDİ – Rusiya bunu edəcək
Rusiya prezidenti Vladimir Putin Ukraynadan ala bilmədikləri taxılı Afrika ölkələrinə kommersiya və ya qrant şəklində göndərə biləcəklərinə söz verib.
Cumhuriyyet.net xəbər verir ki, Putin 27-28 iyul tarixlərində Sankt-Peterburqda keçiriləcək Rusiya-Afrika Sammiti ilə bağlı yazılı bəyanatında Rusiyanın taxıl sazişindən çıxmasının Afrika ölkələrinə mənfi təsir etməyəcəyinə qarantiya verib.
Kremlin saytında dərc olunan açıqlamada bildirilir:
“Rusiya Afrikaya taxıl, ərzaq məhsulları, gübrə və digər malların tədarükünü təmin etmək üçün səylərini davam etdirəcək”.
Putin ölkəsinin bu il rekord məhsul gözlədiyinə işarə edib:
“Sizi əmin etmək istəyirəm ki, ölkəmiz Ukrayna taxılını həm ticari, həm də pulsuz əvəz edə bilər”.
Qeyd edək ki, Moskva 2022-ci ilin iyulunda imzalanmış taxıl müqaviləsində Rusiya ilə bağlı şərtlərin yerinə yetirilmədiyini iddia edərək, sazişdən çıxıb. Ölkəsinin 2022-ci ildə Afrikaya 11,5 milyon ton taxıl göndərdiyini xatırladan Putin 2023-cü ilin ilk yarısında 10 milyon ton taxıl göndərdiyini bildirib.//Musavat.com
Short URL: http://www.cumhuriyyet.net/?p=193612
