Bu il Ukraynaya edilən yardımların məbləği açıqlanıb
Ukraynan bu il tərəfdaşlarından 28 milyard dollar maliyyə dəstəyi alıb.
“AzPolitika.info” xəbər verir ki, bu barədə Ukraynanın baş naziri Denis Şmıqal məlumat verib.
“Biz artıq bu il tərəfdaşlarımızdan 28 milyard dollar yardım almışıq. Avropa İttifaqı 11 milyard dollar, ABŞ isə 8 milyard dollar yardım edib”,-deyə Şmıqal bildirib.
Şmıqal müttəfiqlərinə dəstəyə görə təşəkkür edərək, “Ukraynaya verilən hər bir dollar bizim davamlılığımıza, qələbəmizə, Avropada təhlükəsizliyimizə və sülhə qoyulan sərmayədir” deyib.
Ukraynanın artıq bütün daxili imkanlarını müharibəyə xərclədiyini qeyd edən Şmıqal, sahibkarların və vətəndaşların ödədikləri bütün vergilərin təhlükəsizlik və müdafiə qüvvələrinin ehtiyaclarını ödəmək üçün istifadə olunduğunu bildirib.
Short URL: http://www.cumhuriyyet.net/?p=194207
