Azyaşlıların Həccə göndərilməsi QADAĞAN EDİLDİ
2023-cü il noyabrın 1-dən vətəndaşları Ümrəyə (kiçik Həcc) göndərən Özbəkistan turoperatorları xüsusi lisenziyaya malik olmalı və bir sıra yeni tələblərə əməl etməlidir.
Cumhuriyyet.net yerli KİV-ə istinadən xəbər verir ki, xüsusilə şirkətlərə azyaşlılara bu xidməti göstərmək qadağan edilib.
Bu, hökumətin 8 avqust tarixli müvafiq qərarında yer alıb.
Sənədə əsasən, Ümrənin təşkili turizmin ayrıca növü hesab olunur və bununla əlaqədar şirkətlər yenidən lisenziya almalıdır.
Vacib şərt odur ki, özbəklərin Ümrəyə göndərilməsi ilə yalnız yerli turoperatorlar məşğul ola bilər.
Bundan əlavə, turizm şirkətləri bir sıra əlavə tələblərə riayət etməlidirlər.
Qeyd olunub ki, şirkətlər Səudiyyə Ərəbistanındakı tərəfdaş təşkilatla bağlanmış müqavilə əsasında vətəndaşları Ümrəyə göndərirlər.
Xatırladaq ki, müsəlmanlar ilin istənilən vaxtında Ümrə (kiçik Həcc) ziyarətinə gedə bilər. Ziyarətin müqəddəs Ramazan ayında yerinə yetirilməsi Həccə bərabər tutulur.
2019-cu ildən Özbəkistanda Ümrə kvotaları ləğv edilib.
Short URL: http://www.cumhuriyyet.net/?p=194441