Ərdoğan Rusiyaya gedir
Türkiyə Prezidenti Rəcəb Tayyib Ərdoğan yaxın günlərdə Rusiyaya səfər edəcək və Vladimir Putinlə taxıl sazişini müzakirə edəcək.
Cumhuriyyet.net xəbər verir ki, bu barədə Türkiyə mətbuatı yazıb.
“Prezident Administrasiyasındakı mənbələrin məlumatına görə, Prezident Ərdoğanın Rusiyaya gözlənilən səfəri razılığa gəlmək üçün çox vacibdir. Digər tərəfdən, Türkiyənin Rusiyasız yeni marşrutu qeyri-sağlam hesab etdiyi bildirilir. Prezidentin müşaviri Akif Çağatay Kılıç Ukraynaya səfər edəcək, xarici işlər naziri Hakan Fidanın isə Ukrayna və Rusiyaya səfəri gözlənilir. Digər tərəfdən, Prezident Rəcəb Tayyib Ərdoğanın Rusiyada Putinlə görüşü planlaşdırılır. Prezident mənbələrindən alınan məlumata görə, Ərdoğanın səfəri taxıl dəhlizi ilə bağlı sazişin icrasının davam etdirilməsi üçün ən mühüm addım olacaq”, – məlumatda qeyd olunub.
Qeyd edək ki, Putinin avqustun sonunda Türkiyəyə səfər edəcəyi gözlənilirdi.
Short URL: http://www.cumhuriyyet.net/?p=194808
