Ermənistanın Rusiyaya “sanksiya dəstəyi” artdı

2023-cü ilin ilk 7 ayı ərzində Ermənistan və Rusiya arasında ticarət dövriyyəsinin həcmi ötən ilin eyni dövrü ilə müqayisədə 70% artıb.

Cumhuriyyet.net xəbər verir ki, bu sözləri Ermənistanın iqtisadiyyat naziri Vahan Kerobyan deyib.

O bildirib ki. 7 ay ərzində Rusiyaya ixrac 2 milyard dollar, Rusiyadan ixrac isə 1,7 milyard dollar (ümumilikdə 3,7 milyard) təşkil edib.

Onun sözlərinə görə, ticarət dövriyyəsi həcminin daha da artacağı gözlənilir.

Qeyd edək ki, İlk dəfə olaraq ötən il Ermənistandan Rusiyaya ixrac idxalla bərabərləşərək, 2,5 milyarda çatmışdı. Buna səbəb isə Rusiyaya tətbiq edilən sanksiyaların Ermənistan vasitəsilə dəlinməsidir. Belə ki, Ermənistan Rusiyaya birbaşa satışı qadağan edilən məhsulları Avropadan idxal edərək, Rusiyaya ixrac edir. Nəticədə külli miqdarda vəsait qazanır.

Avropa dəfələrlə Ermənistanın Rusiyanın sanksiyalardan yan keçməsində xüsusi rol oynadığını bildirsə də, bunun qarşısını almaq üçün ciddi tədbirlər görmür.

Short URL: http://www.cumhuriyyet.net/?p=194941