Qəzadan öncə Priqojin Putinlə görüşüb?

Yevgeni Priqojin ölümündən bir gün əvvəl Moskvada Vladimir Putinlə görüşə bilərdi.

Cumhuriyyet.net xəbər verir ki, bu barədə “VÇK-OQPU” Teleqram kanalı məlumat yayıb.

Məlumata görə, hadisədən bir neçə gün öncə “Vaqner” rəhbəri Afrikadan qayıdıb. Avqustun 22-də isə Putin Moskvada Mozambik prezidenti ilə görüşüb.

Priqojin həmin gün axşam Peterburqa uçmalı idi, lakin uçuş növbəti günə təxirə salınıb. Versiyalardan birinə görə, uçuş Putinlə Priqojinin görüşü səbəbindən baş tutmayıb.

Bundan başqa “Vaqner” rəhbərinin olduğu təyyarəyə əlavə mühafizəçilər də yerləşdirilib.

Kremlin mətbuat katibi Dmitri Peskov isə deyilənləri təkzib edərək, Putinlə Priqojinin son zamanlar görüşmədiklərini bildirib.

Short URL: http://www.cumhuriyyet.net/?p=194969