Bu il Gürcüstanda ölənlərin sayı yeni doğulanlardan çox olub
2023-cü ilin yanvar-iyun ayları ərzində Gürcüstanda 19 431 körpə dünyaya gəlib, 21 944 nəfər vəfat edib.
Cumhuriyyet.net xəbər verir ki, bu barədə Gürcüstan Milli Statistika İdarəsinin hesabatında qeyd olunub. Bildirilib ki, cari ilin birinci yarısında ölkədə təbii artım göstəricisi mənfi 2 513 nəfər olub.
Gürcüstanda azərbaycanlıların kompakt yaşadığı Kvemo Kartli bölgəsində, həmçinin Acarıstan Muxtar Respublikası və paytaxt Tbilisidə isə müsbət təbii artım qeydə alınıb. Statistikaya əsasən hesabat dövründə Kvemo Kartlidə təbii artım 145, Acarıstanda 870, Tbilisidə isə 340 nəfər təşkil edib.
Bu ilin ilk altı ayı ərzində Gürcüstanda 10 366 evlilik, 6 828 boşanma olub. Hesabat dövründə Kvemo Kartlidə 1304 evlilik, 651 boşanma olub.
Short URL: http://www.cumhuriyyet.net/?p=195759
