Hakan Fidandan müharibə xəbərdarlığı – Cavab veriləcək!
“Qəzzada başlayan müharibə daha böyük bir burulğana çevrilir”.
Bu barədə Türkiyənin xarici işlər naziri Hakan Fidan xəbərdarlıq edib. Fidan Ankarada Xorvatiyanın xarici işlər naziri Qordan Qrliç Radmanla birgə mətbuat konfransında verdiyi açıqlamada İsrail-HƏMAS müharibəsinə toxunub: “Biz müvafiq cəmiyyətlərdə dəfələrlə bəyan etmişik ki, bu vəziyyəti həll etmək şansı yoxdur və hər iki ölkə üçün, fələstinlilər və israillilər üçün bərabər suverenlik olmadan daimi sülh əldə edilə bilməz. Bu böhranı iki dövlətlə həll etmək ideyasının vacib olduğu hər kəs tərəfindən qəbul edilir. Problem artıq bu fikri necə həyata keçirməkdədir”.
Türkiyəli nazir sözlərini belə davam etdirib: “Qəzzadakı qətliam beynəlxalq ictimaiyyətin gözü qarşısında baş verir. Bu qırğın davam edərkən regional yayılma riskini də dilə gətirdik. Qırmızı dənizdə, İraqda və Suriyada baş verənlər bu cür hücumların qarşılıqlı mövqe tutmasıdır ki, bu da riskin artdığını göstərir. Qəzzada başlayan müharibə getdikcə daha böyük bir burulğana çevriləcək. Ona görə də biz sülhlə bağlı işimizi davam etdirəcəyik və beynəlxalq ictimaiyyətin İsrailin törətdiyi qırğınlara lazımi cavabı verməsi üçün əlimizdən gələni edəcəyik. Mən bir daha bütün beynəlxalq ictimaiyyəti daimi atəşkəs üçün səyləri dəstəkləməyə dəvət edirəm”. (musavat.com)
Short URL: http://www.cumhuriyyet.net/?p=197736
