Ermənistan Zəngəzur müharibəsinə hazırlaşır?

20.01.2024 - 12:07

Ermənistan kütləvi şəkildə silahlanmağa davam edir. Rəsmi İrəvan Fransa, Hindistan, İran və Rusiyadan silah alışını intensivləşdirib.

Aydın məsələdir ki, hər ölkə ordusunu gücləndirmək və təhlükəsizliyini təmin etmək məqsədilə silah ala bilər. Lakin Ermənistanla Azərbaycan arasında danışıqların davam etdiyi bir zamanda rəsmi İrəvanın belə addım atması diqqət çəkir.

Digər nüans alınan silah-sursat, texnikanın daha çox Ermənistanın cənub sərhədləri boyunca yerləşdirilməsidir. Yəni İrəvan cənub sərhədlərini gücləndirərək, bir növ, Azərbaycanın Zəngəzuru ələ keçirmək fikrində olduğu, qabaqlayıcı təbdirlər gördüyü təəssüratı yaradır.

Ümumiyyətlə, Ermənistan siyasi və hərbi elitasında, habelə ictimaiyyətdə belə bir fikir var ki, Azərbaycan müharibəyə hazırlaşır. Bu paranoyanı tətikləyən əsas məqam isə Qərb mediasında ardıcıl tirajlanan dezinformasiyalardır. Qərb mediasında Azərbaycanın Ermənistana hücuma hazırlaşdığı israrla qeyd edilir.

Azərbaycan indiki məqamda Ermənistanla müharibə etmək niyyətində deyil:

Birincisi, rəsmi Bakı Ermənistanla başlıca müharibə səbəbi olan Qarabağ münaqişəsini tam həll edib. Hazırda əsas məsələ anklav və eksklavların aqibəti, Naxçıvana maneəsiz hərəkətin təmini və sərhədlərin delimitasiya, demarkasiyasıdır. Bunlar isə müharibəsiz də həll edilə bilər. Rəsmi Bakı diplomatik yolla bu məsələləri həll edə biləcəyini dəfələrlə vurğulayıb.

İkincisi, Azərbaycan hərbi hazırlıq içərisində deyil. Zəngəzur istiqamətində isə ümumiyyətlə aktivlik yoxdur. Standart patrul xidmətini çıxmaqla iki ölkənin şərti dövlət sərhədində sabitlik hakimdir.

Üçüncüsü, Azərbaycan atdığı bütün addımları beynəlxalq hüquq əsasında edir. Beynəlxalq təzyiqlə üzləşməməyimizin ən böyük səbəbi də bu olub. Azərbaycanın Zəngəzura hərbi müdaxilə edib ərazini nəzarətə götürməsi beynəlxalq hüquqa görə qanunsuzdur. Rəsmi Bakı bunun doğura biləcəyi fəsadları yaxşı bilir.

Dördüncü və ən əsası, Azərbaycan israrla Ermənistanla sülh müqaviləsi imzalamaq istəyir. Bunu ikili danışıqlar və ya regional formatlarda edilməsinin vacibliyini dəfələrlə vurğulayır. Yəni nə Rusiyanın, nə ABŞ-ın, nə də Aİ-nin prosesə müdaxiləsi Bakının maraqlarına uyğun deyil.

Regionda ehtimal müharibə yalnız bu güclərin işinə yarayar, Azərbaycan isə bu variantdan yayınmağa çalışır. Hətta bir çox hallarda Ermənistanın sərgilədiyi mövqe Bakını yenidən hərb variantına əl atmağa sövq etsə belə, buna getmir.

Nəticə etibarilə hazırda Ermənistan sürətlə silahlanır və regionda gərginlik riskini artırır. İrəvanın bu addımları sülh prosesinə inamı azaltdığı kimi, qarşılıqlı etimad mühitini də sarsıdır. Növbəti savaş nə Ermənistana, nə də Azərbaycana sərf edir.

Turan Rzayev

MİA.AZ

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=197897

XƏBƏR LENTİ

virtual_roadi

19.02.2024
Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Fevral 2024
BE ÇA Ç CA C Ş B
 1234
567891011
12131415161718
19202122232425
26272829