Rəisinin ölümü ilə bağlı yeni detallar: sağ qalan 2-ci cangüdənin sirri üzə çıxdı

29.05.2024 - 11:34

Musavat.com xəbər verir ki, ABŞ -ın məşhur “The Time” dərgisi sensasion məlumat yayıb. Bu məlumat İran prezidenti Rəisinin faciəvi ölümü ilə bağlı yeni suallar yaradır.

Xatırladaq ki, İslam İnqilabının Keşikçiləri Korpusu (SEPAH) sosial şəbəkədəki rəsmi səhifəsində helikopter qəzasına işarət edərək Azərbaycanı İsrail ilə birlikdə sui-qəsd törətməkdə şübhəli tərəf kimi təqdim edib və Azərbaycanı təhdid etmişdi: “Əgər bu, isbat olunsa, sizin üçün çox ağır olacaq”.

Qərbin ən nüfuzlu nəşrlərindən olan “The Time”sda gedən “The Questions Lingering Around the Death of Iran’s President” (İran prezidentinin ölümü ilə bağlı suallar) adlı məqaləsinin girişində yazır: “Mayın 19-da İran prezidenti İbrahim Rəisini daşıyan helikopter itkin düşən zaman ilkin məlumatlarda deyilirdi ki, göyərtədə ikisi cangüdən olmaqla 9 sərnişin olub. Amma qəzada ölənlərin qalıqları tapıldıqdan sonra cəsədlərin sayı 8-ə düşdü. Dörd gün sonra sosial şəbəkələrdəki paylaşımlarda ikinci mühafizəçinin sirri üzə çıxdı: Cavad Mehrabl İbrahim Rəisinin anım mərasimində peşman bir halda göründü. Mətbuat bildirdi ki, son anda sağ qalan cangüdənin rəhbəri Mehdi Musəvi onu prezidentin helikopterindən kənarlaşdırıb və həmin gün hərəkət edən digər iki konvoya yollayıb.

Screenshot_6.png (1.02 MB)

Mehdi Musəvi qəzada öləndən sonra onun atası İran dövlət televiziyasına bildirib ki, oğlunun bu səfərdən qayıtmayacağını bilirmiş.

“Səfərdən bir gün əvvəl o, bizi ziyarət etdi”, – ata kamera qarşısında deyib.

“O, sağollaşdı və maşınına mindi, amma geri qayıtdı və 20 dəqiqə də bizimlə bir yerdə qaldı. Sonra getdi, lakin qısa bir yoldan sonra yenidən qayıtdı və bizimlə daha 10 dəqiqə vaxt keçirdi”. Ata danışarkən az qala boğulur. “Oğlum üçüncü dəfə bizimlə sağollaşanda anasını öpdü, sonra əyilib anasının ayağından da öpdü, məni öpdü, sonra əyilib mənim də ayaqlarımdan öpdü.

“O zaman onun gedəcəyini və bir daha geri dönməyəcəyini bilirdim, bir daha görüşməyəcəyimizi bilirdim”…

Mehdi Musəvi İran prezidenti İbrahim Rəisinin təhlükəsizlik xidmətinin rəhbəri olub. Onun belə bir davranış sərgiləməsi təsadüfi ola bilərmi? Bu davranış ondan xəbər verir ki, Mehdi Musəvi sui-qəsd təhlükəsindən xəbərdar olub. Bu suala konkret cavab vermək çətindir. Ancaq bu olay bir daha baş verən qəzanın İranın daxilindən qaynaqlandığını deməyə ciddi əsaslar verir.

Xəbərin orijinalı bu linkdə: https://time.com/6982834/raisi-death-iran-lingering-questions/

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=200716

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

İyun 2024
BE ÇA Ç CA C Ş B
 12
3456789
10111213141516
17181920212223
24252627282930