Gürcüstanda güclü zəlzələ oldu

Gürcüstanın şimalındakı Oni şəhərinin yaxınlığında 5,4 maqnitudalı zəlzələ olub.

“Report” xəbər verir ki, bu barədə Gürcüstanın Milli Seysmik Monitorinq Mərkəzi bildirib. Qeyd olunub ki, yeraltı təkanların ocağı 10 km dərinlikdə yerləşib. Zəlzələnin episentri ölkənin Oni şəhərindən 9 km cənub-şərqdə olub.

Tələfat və dağıntı barədə məlumat verilməyib.

***

Gürcüstanın Raça – Leçxumi və Kvemo Svaneti diyarının Kvasi yaşayış məntəqəsində 4,7 maqnitudalı zəlzələ olub.

“Report” xəbər verir ki, bu barədə Avropa-Aralıq dənizi Seysmoloji Mərkəzi bildirib. Qeyd olunub ki, yeraltı təkanların ocağı 9 km dərinlikdə yerləşib. Zəlzələnin episentri ölkənin Kutaisi şəhərindən 76 km şimal-şərqdə olub. Eyni zamanda, Türkiyənin Fəlakət və Fövqəladə Halların İdarə Olunması İdarəsi (AFAD) zəlzələnin 5 maqnituda olduğunu açıqlayıb.

Tələfat və dağıntı barədə məlumat verilməyib.