Rusiyadan İrəvana ölüm hökmü kimi hədə: “Ya dərk edəcəksiniz, ya da …
“Rusiya Ermənistan münasibətlərini dostluq müstəvisində qurmağa hazırdı, amma bu, Rusiyadan yox, Ermənistandan asılıdır”. Globalinfo.az xəbər verir ki, bunu Rusiya Federasiya Şurasının Beynəlxalq Əlaqələr Komitəsinin sədri Konstantin Kosaçev deyib.
“Hər şey Ermənistan rəhbərliyinin Rusiya ilə münasibətlərin antaqonizasiyasının və Qərblə məsuliyyətsiz yaxınlaşmanın hansı risklərə gətirib çıxaracağını anlamasından asılıdır. Biz bəzi postsovet ölkələrinin nümunəsində belə yaxınlaşmaların nəyə gətirib çıxardığını görmüşük. Eyni taleyiErmənistan üçün arzulamırıq. Ona görə də ya indiki rəhbərlik bu riskləri dərk edəcək və son anda dayanacaq, ya da indiki rəhbərlik üçün yumşaq desək, hər şey çətin olacaq.
Ermənistanın taleyini Ermənistan xalqı müəyyən edir, biz onun daxili işlərinə müdaxilə etmirik. Biz təəssüf ki, münasibətlərimizdə baş verənləri izləyirik, amma səmimi qəlbdən inanırıq ki, erməni isteblişmentində olan qarışıqlıq əvvəl-axır öz yerinə oturacaq” – deyə o bildirib.
Short URL: http://www.cumhuriyyet.net/?p=201801
