Türkiyə MN-dən 3-cü Dünya Savaşı haqda konkret mesaj: “İstənilən ssenariyə hazırıq”
“Çox dinamik ordumuz var və biz istənilən ssenariyə hazırıq”. Mia.az Türkiyə mətbuatına istinadla xəbər verir ki, bunu ölkənin Milli Müdafiə Nazirliyi Həftəlik Mətbuat Məlumat Toplantısında bəyan eidb.
Nazirlik bir neçə gün əvvəl xarici işlər naziri Hakan Fidanın üçüncü dünya müharibəsi ehtimalı haqda söylədiklərinə toxunaraq bildirib ki, birinci və ikinci dünya müharibələrində olduğu kimi, belə bir risk var: “Bu, əlbəttə ki, mümkündür. Milli Müdafiə Nazirliyi olaraq müdafiə və təhlükəsizliyimizlə bağlı daim öz üzərimizdə işləyirik, lazım olan bütün planlarımızı icra edirik. Rahatlıqla deyə bilərik ki, biz hər cür ssenariyə ən hazırlıqlı ölkələrdən biriyik. Türk silahlı qüvvələri bir çox coğrafiyada davamlı fəaliyyət göstərən artıq dinamik bir ordudur. Bizim öz planlarını və logistikasını sınaqdan keçirmiş və təsdiq etmiş bir ordumuz var. Heç kim, xüsusən də ölkəmiz Üçüncü Dünya Müharibəsi kimi qaranlıq mənzərəni istəmir, lakin qeyd etməliyik ki, Ordumuz istənilən ssenariyə hazırdır”.
Short URL: http://www.cumhuriyyet.net/?p=201911
