Ermənistanın Aİ-yə üzvlüklə bağlı referendum istəyi konstitusiya zidd imiş

30.06.2024 - 10:33

“Mövcud konstitusiyaya əsasən, Ermənistanda Avropa İttifaqına daxil olmaq məsələsi ilə bağlı referendum keçirilə bilməz”.

Musavat.com xəbər verir ki, bunu konstitusiya hüququ üzrə ekspert Vardan Poqosyan erməni mediasına açıqlamasında deyib.

“Ermənistan Konstitusiyası respublikada referendumun hansı hallarda keçirildiyini aydın şəkildə müəyyən edir. Konstitusiyada konkret hansı məsələlərin referenduma çıxarıla biləcəyi ilə bağlı hərtərəfli ifadələr var. Əgər söhbət Ermənistanın Aİ-yə daxil olması məsələsinin referenduma çıxarılmasından gedirsə, o zaman bunu etmək olmaz, çünki Ermənistan bu məsələ ilə Aİ-yə yanaşmayıb, müvafiq danışıqlar aparmayıb, Avropa İttifaqına daxil olmaq ilə bağlı heç bir sənəd imzalamayıb.  Bütün bu prosedurlardan əvvəl bu məsələ ilə bağlı referendum keçirilə bilməz”, – deyə o  bildirib. Eyni zamanda Poqosyan vurğulayıb ki, bütün danışıqlar, üzvlük prosedurları və müvafiq saziş imzalandıqdan sonra referendum nəinki keçirilə bilər, həm də keçirilməlidir, çünki üzvlük (və ya çıxma) haqqında sazişlər müstəsna olaraq referendum yolu ilə ratifikasiya oluna bilər.

Aİ-yə üzv olmaq üçün müraciət məsələsinin referenduma çıxarıla biləcəyi ilə bağlı suala ekspert qeyd edib: “Bu, konstitusiya baxımından artıq referendum olmayacaq”.

mhm01281659.jpg (509 KB)

O izah edib ki, əsas qanuna uyğun olaraq, referenduma çıxarılan məsələ qəbul olunarsa, hüquqi akt, məsələn, Aİ-yə qoşulma haqqında müqavilənin ratifikasiyası ilə nəticələnməlidir. Referendumun yalnız qoşulmaq üçün müvafiq ərizə vermək məqsədi ilə keçirilməsi konstitusiyada nəzərdə tutulmayıb. “Əsas qanun baxımından bunun nə hüququ var, nə də zərurət”.

Əgər ölkə hakimiyyəti proseslərə başlamazdan və üzvlük üçün ərizə təqdim etməzdən əvvəl Ermənistan vətəndaşlarının mövqeyini birmənalı şəkildə aydınlaşdırmaq istəyirsə, o zaman ümummilli sorğu keçirməyi nəzərdə tutan qanunvericilik islahatlarını həyata keçirmək lazımdır ki, bu da hakimiyyətə vətəndaşların  mövqeyini qiymətləndirməyə imkan verəcək. Onların Aİ-də gələcəyi var, ya yox.  Ancaq bu, referendum yox, sorğu olacaq. Və burada nəzərə almaq lazımdır ki, bu cür sorğular heç bir siyasi və hüquqi nəticələrə səbəb ola bilməz. Yəni  sorğunun nəticələrinə əsasən əksəriyyət Aİ-yə üzv olmaq üçün ərizənin verilməsinə qarşı çıxsa belə, hökumət hər halda ərizə vermək hüququna malikdir. Və ya əksinə – əksəriyyət lehinə olsa belə, təqdim etməyə bilər. Parlament referendum məsələsinə toxunan konstitusiya müddəalarına sözügedən məsələ üzrə referendumun keçirilməsini təmin etmək üçün düzəliş edə bilməz. Əsas qanuna belə dəyişikliklərin edilməsi üçün referendum da lazımdır”,- deyə ekspert bildirib.

de4a95648927dc5e965af3ae48b78cee.jpeg (208 KB)

Yada salaq ki, Ermənistan parlamentində bugünlərdə Aİ-yə üzvlüklə bağlı referendum keçirilməsi  müzakirə edilib, hətta bu tarixin sentyabrın 1-i ola biləcəyi vurğulanıb.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=202036

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

İyul 2024
BE ÇA Ç CA C Ş B
1234567
891011121314
15161718192021
22232425262728
293031